Fuga de Cerebros

Para os membros do grupo Fuga de Cerebros, as WebQuest son un recurso do máis novidoso. No noso paso polo sistema educativo como alumna e como alumnos, ningún de nós tivo experiencias previas con este tipo de actividades. Xa meténdonos no rol de docentes, comprobamos de primeira man que as WebQuest supoñen todo un desafío, tanto para quen se enfrenta a elas, como para quen as crea! Escollemos unha temática que, se ben aínda vivindo nunha sociedade en teoría avanzada como a nosa, segue a xerar polémica: os estereotipos de xénero da infancia. Consideramos que é fundamental dar visibilidade a unha realidade que sempre estivo aí, pero que se ten tratado como un tema tabú. Agardamos que o reto proposto no estea á altura das vosas expectativas! Para acceder á WebQuest, prema na seguinte ligazón: https://sites.google.com/view/webquest-estereotipos-de-xnero/portada

Dúas semanas de confinamento equivalen a dúas semanas de plena produtividade; produtividade que invertimos na creación dun libro de actividades interactivas. Esta experiencia resultou moi enriquecedora, no sentido de que nos abriu as portas a unha ampla variedade de ferramentas coas que crear todo tipo de actividades. Se ben é certo que a oportunidade de empregar un software educativo viuse limitada pola conectividade a internet que requiren os recursos, ao mesmo tempo, este "contratempo" brindounos a posibilidade de experimentar con diversas webs orientadas ao deseño de actividades. Iria Rodríguez Rodríguez Kahoot!, Kubbu e Educaplay foron as tres ferramentas que utilicei para crear a actividade.  A primeira gustoume especialmente pola facilidade de uso e a atractiva estética que ofrece. Aínda que de entre as tres webs, Kahoot! sexa a que ofrece un rango inferior no que á tipoloxía de actividades respecta, penso que tamén aporta moito dinamismo á hora de aplicalo ...